Herritarren parte-hartze prozesuaren barruan sei prestakuntza batzar edo tailer egingo dira Txanporta Kultur Etxean, herritar guztientzat zabalik.

Aurreneko fasean, batzarretara azaltzen diren herritarrek adierazten dituzten beharrizanak eta Zelaietako gaur eguneko antolaketak sortzen dizkieten arazoak jasoko dira.

Lehen fase horretako tailerraK:
apirilaren 24 (18:30etan)
maiatzaren 11n (10:00etan, batzar bikoitza, mugikortasunaz eta generoaz)
maiatzaren 20tik 24ra bitartean (umeendako jardunaldiak).

Aurreneko diagnostiko hori egin ondorenbeste batzar bi egingo dira herritarren proposamenak jaso eta elkarrekin adosteko.:
ekainaren 5ean, 18:30etan
ekainaren 22an, 10:30etan

Bildu Abadiñori esker parte hartze prozesu bat zabalduko da Zelaietako peatonalizazio proiektuaren inguruan. Tailerrak hilabete honetan hasiko dira eta Zelaietarron iritzia, kezkaz, zalantzak, iradokizunak… trasmititzeko balioko du.

Proiektua zerotik abiatuko da eta Abadiñoko udalgintzaren historian eta eta etorkizunean bere biziko garrantzia edukiko du. Parte hartzearen filosofiak bere ibilbidea sendotzen jarraitzeko ETORRI ETA PARTE HARTU!

HERRIA HERRITARRONA DELAKO EMON HITZA HERRIARI.

Abadiño Bildutik, larunbatean Elorrioko plazatik aterako den mobilizazioan parte hartzera deitzen zaituztegu.
San Eloy, Iketz eta beste langileen alde kalera.
LANAREN DEFENTSAN KALERA!!!!!!!!
ZU ERE MARTXARA!!!!

Udalean euskara ordenantza eta euskara planak onartzen dabiezan bitartean, hitzetatik ekintzetara pasatzerako orduan euren hitzak jan baino ez dabez egiten. Udal honek gure hizkuntzarekin daukan konpromesu ezaren ondorioz ez dogu aurrera pausorik emongo arlo honetan.

Editatua:

ABADIÑOKO UDAL GOBERNUAK ATZERA EGIN ETA DIRULAGUNTZA EMANGO DIO KORRIKARI

Korrikari dirulaguntza emateko partidarik onartuta ez zegoela eta, Euskara eta Hezkuntzako batzordeburuak ezezkoa eman zion hasiera batean Euskal Herriko euskalduntze prozesuan eta euskararen normalizazioan diharduen AEKren egitasmo honekin kolaboratzeari.

Erabaki honek sortutako harridura eta kezkari erantzunez ordea, ordainketa kultura, jaiak eta kiroletako batzordetik bideratuko dutela adierazi dute eta hortaz abadinoko udalak dirulaguntza emango dio aurtengo korrikari.

Bildutik esan beharra dugu zoritxarrez ez dela lehenego aldia udal gobernuan era horretako deskordinazioak ematen direna, beraien jarduteko eraren seinale, eta horrelakoak, oraindik ere martxoan egonik, 2013ko aurrekontuak onartu gabe egotearen ondorio direla.

* Arazo teknikoak zirela medio ezin izan genuen aurkezpen dena bideoan grabatu.

Aurkezpenean erabili ziren diapositibak:

Balorazioaren dokumentazio tekniko detailatua:
2011-2012 urteetako lanaren balorazioa

Hainbat urtetan Zelaietako eskolako ume kopurua urria izan bada ere, Abadiñoko Independienteak Muntsaratzen zerbitzu hazkunderik gabe bultzatutako etxebizitza kopuru ikaragarriak, egungo ikastetxea zerbitzu egoki bat emateko gai ez izatea ekarri du.

Ez da gaurko kontua hau, hainbat urtetan aritu bait da eskolako zuzendaritza eta guraso elkartea ere,   gai honen inguruan arduratuta, arazoa gainean eduki orduko neurriak hartu zitezen eskatzen. Beraiekin bildu garen hainbat batzarretan,  azken urteko jantokiko umeen banaketak berak ere arduratzen zituen; iaz espazio urritasunagatik, orain arte eskolan egon diren jantokiko 2 txandez gain 3. txanda bat egokitu behar bait izan zuten umeen jatordua atzeratuz eta sarritan adin bereko umeek txanda ezberdinetan jatea beste aukerarik ez zutealarik.

Gainera, momentu honetan arazoa jantokiko zerbitzuarekin badago ere, alkateak 2011ko azaroaren 23ko hirigintza batzordean adierazi zuenaren arabera, datorren ikasturterako ikasgela berrien premia Hezkuntzak berak ere berresten du eta hala ere egun oraindik ez dauka ikasgelen handipen obra ordainduko zukeen diru partidarik esleituta, hitza eman badu ere gelak prest egongo ez balira 2013ko irailerako, beharrezko barrakoiak egokituko lituzkeela.

Nahiz eta ez den ahaztu behar, alkateak 2011ko abenduaren 19ko hirigintza batzordean 2012ko irailaren 7rako  jantokiko handitze eta eskolaren egokitzapen lanak bukatuak egongo zirela adierazi zuela, 2012ko apirilean Anboton egindako adierazpenen arabera obrak burutu bai baina hasiera data Jaurlaritzaren aurrekontuen araberakoa izango zela aipatu eta 2012ko uztaileko hirigintza batzordean lanak urtarrilean hasiko zirela esan, egun oraindik ez dago obren hasieraren data zehatzik.

Ez dago data edo konpromiso zehatzik obrak ahal bait arinen gauzatzeko ez Hezkuntza ezta udalaren aldetik ere. Gauza jakina da Hezkuntzak garraio zerbitzua edo beka duen ikasleari baino ez diola zertan jantokiko zerbitzua eskaini. Baina ez al da arduragabekeria handia udal batentzat, datu hau jakinik eta herriko hezkuntzako ekipamenduen urritasunaz jabeturik, dirua aurreratu ez izana 2012ko udan lan hauek gauzatu eta arazoa ekidin ahal izateko ? 2011Ko abenduko Osoko Batzarrean lanak lehen bait lehen hasteko eskatu genuenean Bilduk, alkatearen erantzuna oso zehatza izan zen, “otsailean matrikulazioak behin jakinda eta premiak ezagututa, nahikoa denbora dago burutu beharreko lanak burutzeko”. Ez al du udalak behar baino konpromiso maila txikiagoa hartu lehentasunezko gaia den honetan?

Haurreskolen kasuan udala prest agertu da dirua aurreratzeko datorren ikasturterako amaituta egon daitezen, eta ez da ahaztu behar erabilera anitzeko eraikinaren kasuan ere, udalak aurrekontuetan proiektu honetarako diru partidarik egokituta ez bazuen ere, 600.000€ aurreratu zituela eraikinaren premia berezia argudiatuta. Ez al da ba jantoki zerbitzua ere lehentasunezko premia bat? Ez al du udalak eskolako ume guztiek jantokiko zerbitzua izateko eskubidea izateko bidean pausorik eman behar?

Ikaragarria iruditzen zaigu bizi dugun gizarte eredu honetan, non famili gehienetan gurasoek etxetik kanpo lan egiten duten eta zerbitzu bat baino behar bat den gurasoentzako jantokia lan produktiboa eta erreproduktiboa uztartu ahal izateko, egoera honetara iritsi izana. Jatorduan umea nahitaez etxean jaso beharrak, umearen gurasoetako bati lana utzi beharra ere sorrarazi bait diezaioke.

Bildu Abadiñotik jantokiaren arazoari lehen bait lehen konponbidea bilatzeko eskatzen diogu udal gobernuari eta ez dezala orain arteko ardurgabekeriaz jokatu horren garrantzitsua den gai baten aurrean. Bestalde ekin diezaiola eskolaren handitze lanen tramitazioari lehen bait lehen arazoa larriagotu eta denbora labur batez bada ere, haurrak barrakoietan egoteko premia sorrarazi gabe.

Bildu Abadiño

1- Aurreko batzarreko akta onartu.

2- Behin behingoz onartu Udal Arau Subsidiarioen Aldaketa Puntualen espedientea I-15 unidadean. (Udal gobernuak PNVren laguntza edo eskariz, Lasuen enpresak Viedsa inguruko lurretan egin nahi duen proiektuari beharrezko berme legala eskeintzeko asmoa du)

3- Ogasuna: 2012ko Udal Aurrekontuak onartu.

4- Alkatetza dekretuak.

5- Galdera-eskariak.

Euskal Herriak badu alternatiba sozioekonomiko propio eta ezkertiarra.

Irakurri eta zabaldu!!!!

ALT. SOCIO-ECON.2012-04-21 (euskaraz)

Martitzenean apirileko ohiko plenoa burutuko da udaletxean. Bilduko zinegotziei zuen babesa eskeini eta dituzuen galdera-eskariak udalbatzari adierazteko, bertaratzeko lei luzatzen dizuegu.

Gaiordena honako hau izango da:

1- Aurreko batzarreko akta onartu.
2- Behin behingoz onartu Udal Arau Subsidiarioen Aldaketa Puntualen espedientea I-15 unidadean. (Udal gobernuak PNVren laguntza edo eskariz, Lasuen enpresak Viedsa inguruko lurretan egin nahi duen proiektuari beharrezko berme legala eskeintzeko asmoa du)
3- Ogasuna: 2012ko Udal Aurrekontuak onartu.
4- Alkatetza dekretuak.
5- Galdera-eskariak.

Bertan elkar ikusiko dugulakoan, martitzenerarte